Жаңа Renault SANDERO-да бөлшектерге баса назар аударылған: эргономикасы жетілдірілген жаңа руль, салонның едәуір ұстамды түріне арналған жаңа әрлеу материалдары және жаңартылған орталық консоль.

Климат-бақылау жүйесі салондағы белгіленген ауа температурасын автоматты түрде ұстап тұрады және жүргізуші мен жолаушылардың жайлылығын қамтамасыз етеді.

Отыру ыңғайлы болу үшін Сіз руль мен орындықтың биіктігін оңай реттей аласыз.

Электр жетегінің арқасында бүйірлік айналарды тез және оңай баптауға болады. Барынша ыңғайлы болу үшін айналар электр жылытқышпен жабдықталуы мүмкін, ал бұрылыс көрсеткіштерін қайталаушылар дизайнға бұрынғыдан да заманауилық әсер береді.

Артқы отырғыштарды 60/40 қатынасында бүктеуге болады, бұл жолаушылар саны мен тасымалданатын жүк көлеміне қарай кеңістікті оңтайландыруға мүмкіндік береді. Артқы отырғыштар толық жиналған кезде жүк салғыштың пайдалы көлемі 1 200 литрді құрайды.

Салонда заттарды сақтауға арналған көптеген орын бар. Қолғап қорабының көлемі 5,7 л, орталық консольдің үстінде киім-кешек бөлігі бар, ал алдыңғы және артқы есіктерде тиісінше көлемі 1,5 л және 0,5 л бөтелкелерді сақтауға арналған қалташалар бар. Диаметрі үлкендеу артқы стақан қойғыш көлемі 0,33 л және 0,5 л стақандар мен бөтелкелерді сенімді етіп бекітуге мүмкіндік береді — енді сүйікті сусындарыңызды төгіп аламын деп қорықпай, қасыңызға қоя аласыз.

Жүк салғыштың көлемі - 320 литр, бұл қажетті нәрсенің бәрін алуыңызға мүмкіндік береді.

Тұрақ бұрынғыдан да оңай: дыбыстық сигналдың көмегімен артқы берілгілер жақын жердегі кедергіге дейінгі қашықтықты көрсетеді, бұл көлікті оңай әрі жылдам қаңтаруға мүмкіндік береді.

7” сенсорлық дисплейі бар жаңа буынның мультимедиалық Media NAV навигациялық жүйесі кез келген жағдайда таптырмайтын жерсерікке айналады. Навигация сізге ең қысқа бағытты таңдауға көмектеседі, ал телефонмен синхрондау сүйікті музыкадан ләззат алуға және жолға алаңдамай, қоңырауларға жауап беруге мүмкіндік береді.

Renault SANDERO-да круизді бақылау және жылдамдықты шектеу жүйелері бар. Круизді бақылау жүргізуші белгілеген автокөліктің жылдамдығын автоматты түрде сақтайды, соның арқасында аяғыңызды үнемі газ педалінде ұстап тұрудың қажеті жоқ. Жылдамдық шектегішін жылдамдық режимінің шектеулеріне байланысты баптауға болады, бұл ереже бұзу мен айыппұл төлеуге жол бермейді.

Renault SANDERO жүргізуші мен жолаушының қауіпсіздік жастықшаларымен, сондай-ақ алдыңғы бүйірлік жастықшалармен жабдықталған.

Артқы қатардағы Isofix бекіткіштерінің арқасында бүйірлік отырғыштарға екі балалар креслосын, ал ортасына әмбебап бекіту жүйесі бар балалар креслосын орнатуға болады.

Бұғаттауға қарсы жүйе төтенше тежеу жағдайында автокөліктің басқарылуын сақтауға көмектеседі.

Жаңа Renault SANDERO-ның жүктемені қосқанда 155 мм, жүктемесіз 172 мм болатын клиренсі жолдағы кедергілерді оңай еңсеруге және ойдағыдай өтуге мүмкіндік береді, қалалық хэтчбек тіпті, аздаған жолсыз жерлермен де жүре береді.

Сенімді және энергия сыйымды аспаның арқасында Renault SANDERO сапасы кез келген жолдарға бейім! Автокөлік тегіс асфальтпен де, шоқалақ қара жолмен де сенімді жүреді.

Сыйымдылығы ұлғайтылған аккумулятордың және қозғалтқыштың суық климатқа толық бейімделуінің арқасында жаңа Renault SANDERO қозғалтқышы тіпті, қатты аязда да сенімді түрде іске қосылады.

Renault SANDERO-ның алдыңғы әйнегі кіріктірілген электр жылытқышпен жабдықталуы мүмкін. Әйнектің беткі қабатында түгел орналасқан жұқа және көрінбейтін сымдар жылдың суық мезгілдерінде мұз бен қарды оңай және тез тазартуға көмектеседі.

Renault Start қозғалтқышын қашықтан іске қосу жүйесі жолға шығар алдында қозғалтқышты қауіпсіз іске қосуға және жылытуға мүмкіндік береді, бұл үскірік қыс немесе аптап ыстық жаз сияқты тіпті, өте төтенше температураларда салонда жайлы температураны қамтамасыз етуге көмектеседі.

Renault Start екі тәсілмен іске қосылады: кілт арқылы не болмаса Мedia Nav навигациялық жүйесінің көмегімен бағдарламалау арқылы.